كيف يفتخرون بالسروال ؟!!

[reborned]

السلام عليكم ورحمة الله وبركاته ..
في عام 2006 م .. وبعد مرور أكثر من 1400 سنة على ظهور الإسلام ونزول الوحي على سيدنا محمد صلى الله عليه وسلم .. جاؤا أقوام وشباب من العرب يفتخرون بسراويلهم !!

هذه ظاهرة رأيتها ونراها كلنا أيضا في شبابنا في الأسواق والأماكن العامة !
- يلبسوا جينزات واسعة عليهم .. ولما كتر الله خيرهم يلبسو حزام برضو ما يمسك البنطلون .. الحزام صار للزينة والموضة .. يا شباب ليش هذه الظاهرة ؟؟
وتلاقي الشاب لما يمشي كده يبعد رجولو عن بعض .. ويقعد يرفع في البنطلون بيدو عشان لا يطيح .. ويرجع البيت وتلاقي الجينز وسخ أسود من الأرض !! قذارة !! لييييييي؟؟!!
مافي أي سبب مقنع .. يعني حتى اللي يبغ يكون كوووووول ترا مالو أي علاقة بدا الشي وحتى اللي يبغ البنات ينتبهو عليهم . فهما حينتبهو .. بس ماحينتبهو بالمدح .. إنما بالذم ..
ياجماعة في ناس الله يحفظهم يبان تلتين سروالو الله يكرمكم .. والله العظيم أهون إنو يشيل الجينز من الهبالة دي ..
وجزاكم الله خير .. أنتظر ردودكم وتعليقاتكم ..
نبغ كده حكاوي .. حلول .. أسباب ..
والسلام عليكم ورحمة الله وبركاته

[خطوه أولى]

شباب كووووووووول *13

انا مدري ايش بالزبط شايفين بالتقليعه هذي اصلا يجي شكلهم مبهذل واهبل وتحسه وهوا ماشي متازم وفي ورطه الله يعينهم ويهديهم اصلا حتى البنات ما يحبون يشفون اشكال زي كذا فانا مادري ليييييه بس هالموضه التعبانه كل مالها تنتشر
شكر على النتبيه لكن المشكل الحقيقيه انو هالشباب مايدخلون هالمواقع كأن نكتب لانفسنا
بس مالها حل غير واحد اقولكم عليه بعدين لين ماازبطه في راسي
تحيتي اختكم خطوه اولى *12

[الدنيا لحظة]

هذا مصداق لقول المصطفي صلى الله علية وسلم
ان في اخر الزمان راح نتبع المشركين شبر بشبر ولو دخلو جحر لدخلناه
مالى غير الدعاء لهم بالهداية
لانني وبصراحة سمعت عن هذه الحركة ولاكن لم ارها والحمد للة
تحياتي لـreborned

[بنت جده]

صراحه انا ها الحركات تعجبني وهي على الموضه

[do0odee]

وعليكم السلام ورحمة الله وبركاته..

مرررة حلو الموضوع ... وانا في اشد الحماس .. لمعرفة الكثيير عن دي الظاهرة...

ولو القليل<<<<<< يعني كتر الله خيركم

لأنو بصراحة الغلطة مو منهم بس الغلطة من اللي يجرو وراهم..

انا اعرف واحد الله يزكرو بالخير ما كان يسوي دي الحركة....

ولما صار يسويها .. كل البنات صارت علي<<<<<<<عشان ايش>>عشان سروال باين

لا حول ولا قوة الا بالله...

تشوف ادمي طول عرض هامة وقامة وسروالو باين

بس ابى اعرف ايش الحلاوة في المنظر..

ولو في أحد يعرف الشي اللي يخليهم يحسبو انو منظرهم حلو .. الله يخلي يقولي بلكن انا كمان

تتصلح وجهة نظري نحو دي الظاهرة..

oOoo peace up..

[يفوق الوصف]

بصراحة يا بنت جدة ايش الحلا اللي تشوفيه يعني فين الحلا لمن تشوفي البنطلون نازل أكثر من الوسط عشان يبين السروال الداخلي والحزام اللي مربوط على الركبة والشعر اللي كانو قبل ما ينزل السوق أكلو ضربة كهرباء مو 220 الا 330 انا ما اقو لا تلبسو جينز لا انا البس جينز بس لا زم لمن نلبس نلبس بعقل مو معاهم معاهم عليهم عليهم الواحد لازم يكون عندوا عقل
وانا ما اقول عليهم هبل ولا غبي لكن اللبس هو الأهبل لانو عندي اصحاب من هذا النوع وصديقيني أخلاقهم عالية وفكرهم كمان لكن بس الشكل
اتمنى توضحيلنا فين الحلا
وآ سف على التطويل

[reborned]

أشكركم جميعا على مروركم .. وأحترم رأيك يا بنت جده إنو يعجبك هذا المنظر ..

حبيت أرد على خطوة أولى أول .. الشباب للأسف مو كتير بيدخل هنا ويشوف .. بس لو كل واحد نقل الفكرة لأصحابو وأثر على واحد فيهم بس فبذلك نكتفي ! لإنو حتبدأ تنتشر كده انشاءالله

وإضافة للموضوع بس أبغ أسأل هل تنصحي أخوانك بدا اللبس ؟؟ هل لمن تشوفي الولد زي كده تقولي علي ماشاءالله شكلو عاقل ومتعلم ؟ ولا تقولي علي والله شكلو حق بنااااات !!
كل شاب وشابة لازم يعيشوا حياتهم .. بس في حدود ..

وأبغ أضيف شي جداااااا مهم .. من فين جاتنا الظاهرة هادي ؟؟ مين قال إنو كووول وإنو إحنا بنقلد الغري ؟؟
لو بتسافرو أمريكا وأوروبا (وأنا شخصيا بشوف) إنو الغرب نقلولنا البطال من هذه الظاهرة !! من الناس اللي متعلمين من الغرب ما تلاقي أحد بنطلونو تحت الكعبين أو لامس الأرض !! والله ماشفت أحد ..
أحكيكم قصة .. أنا كنت عايش مع عائلة في أوروبا الصيف اللي فات .. فكان الجينز حقي طويل وواسع .. كنت بحط حزام وبشمروا من تحت وكنت منحرج .. فكانو يقولولي لي ما تقصو وتقصرو أحسن من إنك تشمروا ؟؟

الغرب نقلولنا حالة homeless people لعندنا !! وإحنا شباب ورا الخيل يا شقرة .. والبنات يشجعو الشباب بإعجابهم !!
بس سؤالي هل ترضي تشوفي أخونك وأولادك كده ولا تبغيهم يكونو مرتبين ونضيفين ؟؟
وجزاكم الله خيرا

[يفوق الوصف]

والله كلامك مية مية
وكمان في البعض الملابس مو بس للعطال والمشكلجية (صعبة الكلمة صح ) ما علينا تلاقيه كمان لبس للشواذ يالطيف ويكونوا معروفين من بعض الملابس والحركات اللي فيها

[HAMZA 2]

--------------------------------------------------------------------------------
طيب انا بصفتي شاب وبكل جرائه وصراحه اقول اني اعمل هدي الحركات وبالعنيه كمان
يعني اقصدها مو تقولوا غصب عني ..... ليش انا اقليكم ليه ؟
اولا حركه اللوويست : السجنز يكون نازل شزيه والحزام يثبته على الخصر وبالطبيعه بدو يبان البوكسر واحلى شئ لو كان البوكسر لونه بمبي او برتقالي .
والجنز يسحب في الاض ومشقشق شويه لكن مو مشكله لانوا يتغسل في البيت
وحركه الشعر اسمها الكدش
تربي شعرك 6 شهور بدون حلاقه الين ما يوصل الكدش احلى شئ وتنفش شعرك
وتلبس نضاره نص دائره وكبييييييييره وتطلع من دون جل ولا تسرح شعرك حتى
حركه الكدش انا بصراحه ما اسويها بشعر طويل مره مره بس اسويها

وحركه الديرتي لوك : يعني ما تحلق دقنك اسوع مثلا عشان تصير دوبها طالعه وشكلك يصير كووووول من جد عشان اختلف شويه البنت خدها ناعم والولد خده شويه خشن ..
السبب

اولا عشان اكون ولد كووووول على طوووووول
ثانيا البنات مالهم صلاح بالحركات دي لا تظلموهم
ثالثا لو لبست الجنز زي عادي وسرحت شعري رح اكون ولد بابا وماما << مو حلو
لازم تكون ولد شقي عندك شقاوة ولخبطه شويه في شكلك استايل الجديد يعني

واللي يقولي نقلد الكفار ومدري ايش
اقله يا حبيبي شئ حلو ومرررررره فله مالنا صلاح لو هما عملوا زينا
المهم احنا نعمل اللي عاجبنا

اتمنى اتمنى انكم ما تعاملوا معايا زي المطاوعه المتشددين وتكفروني وتفسقوا ابويا
احترموا رأيي ونتناقش بذووووووق وبحريه تعبير

[يفوق الوصف]

احلى يا عاطل ياشقي يجي
يابوية محد كفرك ولا شيئ أنا عندي أصحاب زيك يلبسوا و ماادري ايش وقربعة في شعروهم
بس ابغى أعرف ايش الفايدة

[ريـان*]

زينة الرجال
اصلا زينة الرجال وكشخته في اللبس العربي الاصيل وفعلا تلقاه ابد مش مرتاح في الجلسه ولا في الوقفه
وانا(واعوذ بالله من كلمة انا) في الاردن مع ان اكثر الشباب يلبسون الجنز المخصر الا ان الرجال الكبار الهم هيبه في الثوب خاصه في الاعياد عندنا

[ahmed821]

السلام عليكم السراويل اصبحت موضة تقليد يعني للغرب سواء للشباب و البنات ايضا و الكل حسب مايراه في نفسه حتى انها قد تعتبر صورة لشخصيته الله يهدي الجميع امين و شكرا

[reborned]

السلام عليكم أخ حمزة .. والله أحترمك على شجاعتك .. بس إسمحلي حأنتقد شوية ..+

اولا حركه اللوويست : السجنز يكون نازل شزيه والحزام يثبته على الخصر وبالطبيعه بدو يبان البوكسر واحلى شئ لو كان البوكسر لونه بمبي او برتقالي .
والجنز يسحب في الاض ومشقشق شويه لكن مو مشكله لانوا يتغسل في البيت
وحركه الشعر اسمها الكدش
تربي شعرك 6 شهور بدون حلاقه الين ما يوصل الكدش احلى شئ وتنفش شعرك
وتلبس نضاره نص دائره وكبييييييييره وتطلع من دون جل ولا تسرح شعرك حتى
حركه الكدش انا بصراحه ما اسويها بشعر طويل مره مره بس اسويها

وحركه الديرتي لوك : يعني ما تحلق دقنك اسوع مثلا عشان تصير دوبها طالعه وشكلك يصير كووووول من جد عشان اختلف شويه البنت خدها ناعم والولد خده شويه خشن ..
السبب

كل شي ماعدا فكرة وجود الغسالة في البيت فكرتني بhomeless people .. مجرد فكرتني ولا تزعل مني .. شوف وقارن .. بنطلون مشقق من تحت .. وشعر مكرمش .. تصحا من النوم وتمشي .. مايفرق مع شعرك إذا أستحميت ولا لأ .. وأظن بالعكس يطلع في نظرك أحلى لو ما أستحميت ..
ماراح أحد في المنتدى يكفرك لأنو حتى الأستاذ أحمد الشقيري يقول لست مفتيا .. في ما أحد راح يفتي من عندو ..
يا أخي .. أقارنلك شي .. في نوعين من الحركات في ملابس الموضة الزمن هادا .. وانت أكيد عارف دا الشي ..
- لبس زي اللي انتى بتسوي .. وأعطيني ايش شي تستفيدو إنتى نفسك منو .. مو كووول وحلو وشقاوة .. ايش انتى تستفيد ؟؟
- لبس التفاصيل الجديدة في التياب .. زي الأستاذ أحمد الشقيري .. تشوفو في كل حلقة تقريبا لابس نوع مختلف من التياب .. ولا تنكر إنها أشكالها مو حلوة للشباب .. وحيقولوا بعض الشباب طب أنا بأجري وبأنط ما ينفع بتوب .. والله اللي يخليك ترفع بنطلونك من إنو يتسحب على الأرض وإنت بتجري حيخليك ترفع التوب شوية وانت بتجري !!

آمل بس إني ما كتريت ولا ضايكتكم وأعذرني أخ حمزة على النقد .. بس في النهاية أنا متأكد إنك ما حتستمر في المنظر اللي بتلبسوا .. فرأيي توقفها بنفسك أحسن من لما توقفها غصب عنك بسبب وظيفة أو زواج أو أو أو أو ..

وجزاكم الله ألف خير

[HAMZA 2]

الاخ الملك والفاضل REBORNED اشكرك وكلامك كلام عسل من واحد اعسل منو

الاخ يفوق الوصف كلامك عسل من واحد عسل كمان بس لو ما كتبت كلمه عاطل
بيكون ردك الطف من كدا

لاني لو عاطل وولد شوارع كان ما اهتميت وتابعت الاستاذ احمد الشقيري وجيت لمنتدانا الغالي
انا انسان واحس على دمي وابويا رباني الحمد لله
لو سويت غلط مو شرط اني وسخ وابويا ما رباني او اني ولد شوارع او عاطل

انا عارف انو مو قصدك كل دا الكلام وانا اعرف انك انسان محترم من خلال متابعتي لمواضيعك
بس حزت في نفسي كلمه عاطل
على العموم لك مني بوسه على راسك حبيبي وعيد سعيد

[الهـwhidahـويد]

شكرا ياخي على الموضوع
صراحه والي الكل موب عارفه ان هذي الحركه اللويست موب حركة الكفار
هذي حركة قوم لوط عليه السلام
يعني حركة الشواذ
من حركاتهم
اللوويست
و
تطويل اخر ظفر في اخر اصباع
ويعملوا كذا ويوقفوا على الطرقات ينتظروا المعاكس
اتخيلوا
انا وبكل صراحه اخواني يعملوا هذي الحركه موب كلهم بس الاكثر مايعرف حقيقتها
وانا اعترف قد شفت واحد عجبتني مره كشخته وهو عامل هذي الحركة وكدش وكل شيء واخواني كذش
بس وربي لو مانزل البنطلون كمان بيكون حلو
اقصد باللوويست او بدون الحلو والكشخه كشخه
وماافضل احسه مبهدل ووصخ
والله يهدي الجميع
اختكم الهويد

[HAMZA 2]

ايش الاسلوب الرااااااااااااقي هذا ما شاء الله في التعبير
انت اكككككككككيد من الريااض او بيئه مثل بيئتهم .!!!

شكرا جزيلا على الاطراء اخي الكريم

[HAMZA 2]

اوووه انتي بنت مو شاب دوبي انتبهت

..... لا تعليق ....

[MAHLA121]

أشكرك على الموضوع ..
بصراحه أشوف إن هذه الحركات مو من مجتمعنا وهي دخيلة علينا ..
لذلك العالم تستغربها شوي ..
المشكله إن الشباب بدأ يتأثر بهذا الشيء يلبس ويتكلم ويسرح شعرة حتى حركاتهم غريبة ..
أنا ضد هذا التقليعات ولا أشوف فيها شيء جميل ..مش ضد اللبس العادي بنطلون وبلوزة لكن لازم يكون بشكل مرتب ومحترم ..
وبصراحه أشوف كل يوم البنطلون ينزل عن اليوم إللي قبلة لين يجي لنا يوم تمشي العالم من غير بناطير ..
والشعر المنكوش ..أول من زمان كان الشخص لما ينكش شعرة بهذا الشكل الناس تضحك عليه الحين صار العكس ..والله شيء غريب ..*13
بالنسبة لي أفضل الرجل بالدشداشة والغترة أو الشماغ والعقال ومافي مانع لو إهتم بالإكسسوارات الخاصه فيه ..هشكل أرتب وأحلى وأرجل مع إحترامي للي يلبس ذاك اللبس لكن أشعر إنهم ناعمين وأنا ما أفضل هذا النوع من الرجال ..ولو أخوي لبس هشكل ونكش شعرة أتبرى منه لأنه مو عاداتنا ولا تقاليدينا ولا هي سلوم الناس عندنا ..
الرجال لا زم يكون رزة ثقيل مو بنطلونه يسحب الأرض وسرته طالعه .. :eek:
بربكم لو علق بنطلونه أو داس عليه شخص وهو ماشي ما يخاف يطيح ..وراح يطيح وجهه عدل ..*53
بصراحة لما أشوفهم ما يخطر على بالي إلا شيء واحد فقط هو الماء والصابون وليفه حتى أغسلة ..:confused:
مع البس الخفيف لكن ضد التقليعات الغريبة ..
تحياتي للجميع

[reborned]

السلام عليكم جميعا .. أخوي HAMZA أشكرك على ردودك وعلى صراحتك .. مانبغ أحد يزعل من التاني في المواضيع هادي .. انت قلت رأيك بكل صراحة وجرأة والأعضاء بيردو بكل صراحة وجرأة .. والرد يحتمل الخطأ والصواب .. وقد يؤثر عليك وقد لا يؤثر !! على راحتك .. احنا بنوصل فكرة وناخد آراء .. وإن كان جرحناك في رد فأنا آسف نيابة عنهم .. وإن كان أستفدت مننا في رد فنقول الحمدلله ..

وبالنسبة لردي في الموضوع .. صراحة كتبت كلام ولسة مافي أحد رد علي ولا على الأسئلة اللي في !!

وإضافة للموضوع بس أبغ أسأل هل تنصحي أخوانك بدا اللبس ؟؟ هل لمن تشوفي الولد زي كده تقولي علي ماشاءالله شكلو عاقل ومتعلم ؟ ولا تقولي علي والله شكلو حق بنااااات !!
كل شاب وشابة لازم يعيشوا حياتهم .. بس في حدود ..

وأبغ أضيف شي جداااااا مهم .. من فين جاتنا الظاهرة هادي ؟؟ مين قال إنو كووول وإنو إحنا بنقلد الغري ؟؟
لو بتسافرو أمريكا وأوروبا (وأنا شخصيا بشوف) إنو الغرب نقلولنا البطال من هذه الظاهرة !! من الناس اللي متعلمين من الغرب ما تلاقي أحد بنطلونو تحت الكعبين أو لامس الأرض !! والله ماشفت أحد ..
أحكيكم قصة .. أنا كنت عايش مع عائلة في أوروبا الصيف اللي فات .. فكان الجينز حقي طويل وواسع .. كنت بحط حزام وبشمروا من تحت وكنت منحرج .. فكانو يقولولي لي ما تقصو وتقصرو أحسن من إنك تشمروا ؟؟

الغرب نقلولنا حالة homeless people لعندنا !! وإحنا شباب ورا الخيل يا شقرة .. والبنات يشجعو الشباب بإعجابهم !!
بس سؤالي هل ترضي تشوفي أخونك وأولادك كده ولا تبغيهم يكونو مرتبين ونضيفين ؟؟

وجزاكم الله خير

[خالدين]

--------------------------------------------------------------------------------
طيب انا بصفتي شاب وبكل جرائه وصراحه اقول اني اعمل هدي الحركات وبالعنيه كمان
يعني اقصدها مو تقولوا غصب عني ..... ليش انا اقليكم ليه ؟
اولا حركه اللوويست : السجنز يكون نازل شزيه والحزام يثبته على الخصر وبالطبيعه بدو يبان البوكسر واحلى شئ لو كان البوكسر لونه بمبي او برتقالي .
والجنز يسحب في الاض ومشقشق شويه لكن مو مشكله لانوا يتغسل في البيت
وحركه الشعر اسمها الكدش
تربي شعرك 6 شهور بدون حلاقه الين ما يوصل الكدش احلى شئ وتنفش شعرك
وتلبس نضاره نص دائره وكبييييييييره وتطلع من دون جل ولا تسرح شعرك حتى
حركه الكدش انا بصراحه ما اسويها بشعر طويل مره مره بس اسويها

وحركه الديرتي لوك : يعني ما تحلق دقنك اسوع مثلا عشان تصير دوبها طالعه وشكلك يصير كووووول من جد عشان اختلف شويه البنت خدها ناعم والولد خده شويه خشن ..
السبب

اولا عشان اكون ولد كووووول على طوووووول
ثانيا البنات مالهم صلاح بالحركات دي لا تظلموهم
ثالثا لو لبست الجنز زي عادي وسرحت شعري رح اكون ولد بابا وماما << مو حلو
لازم تكون ولد شقي عندك شقاوة ولخبطه شويه في شكلك استايل الجديد يعني

واللي يقولي نقلد الكفار ومدري ايش
اقله يا حبيبي شئ حلو ومرررررره فله مالنا صلاح لو هما عملوا زينا
المهم احنا نعمل اللي عاجبنا

اتمنى اتمنى انكم ما تعاملوا معايا زي المطاوعه المتشددين وتكفروني وتفسقوا ابويا
احترموا رأيي ونتناقش بذووووووق وبحريه تعبير


أعجبني هذا الرد واحترمه ..

لقد كتب دون تصنع او بهرجة وأعطاكم الزبدة " جامدة " كمان *7 ، وأتحدى واحد يفتح فمه ويقول لنا متى يستطيل المربع ..:*


هناك أعضاء كُثر يتصنعون الكذب وعندما تقرأ نمط حياتهم الذي يصفونه لنا تتخيل وكأنك تقرأ سيرة معاذ بن جبل،أو سيرة أبو عبيدة عامر بن الجراح رضي الله عنهما لكي يظهروا لنا بأنهم خير الشباب ..

لا يسعني سوى تحية الجميل HAMZA 2 ..
وأن أبدئ إعجابي الشديد باللوك تبعوووووو..*19

[HAMZA 2]

انا حتكلم وبكل صراحه اني سنتين من اول ما دخلت الجامعه
وانا ما البس البنطلون بالشكل اللي كتبته
هذا ايام الثانويه
مو محتاج اقلكم اني ما البس كذا عشان احسن صورتي عندكم
بس لاني طلعت رجال ناعم ومو سلوم العرب قالت

اي ناعم وانا عامل ديرتي فيس

شوفوا انا بقلكم لمن قرات ردودكم ايش اللي حسيته

في ردود من اعضاء مثل reborned

خالدين

بنت جده

يفوق الوصف

ayan

821 ahmed

هذه الردود هي الاسلوب المقبول في المجتمع احسهم ينصحوا مو يشفوا غليلهم
في واحد مسكين مثلي .
وانا اشكرهم كثيرا واقلهم انتوا بمثابت اخواني الكبار تنصحوني وانا بنتصح ان شاء الله.

اما الاعضاء mhala121
الهويــــــــــــد

اقلكم : ما ها كذا تعقل الابل <<<<< سمعتوا

[تميسة بالسمسم]

يسم الله الرحمن الرحيم

أولا اقول لا حول ولا قوة إلا بالله...

أنا بشوف إنه ظاهرة الأولاد الكوووووووووووووول

زاد حدها كل سنة تنحدر للأسوأ ومعد نفرق بين السعودي والأجنبي لا والفترة دي بالذات معد

أعرف هما اولاد ولا بنات مابقو شي شعور وطالت مابقي إلا يلبسو تنانير...الله يهديكم

[HAMZA 2]

الحمد لله ما اطول شعري لان الشعر الطويل للبنوتات
هم بصفتهم ضروري يكونوا ناعمين

اما الشباب وانا بالذاااااااات ما اعمل شئ يخليني نعومي

احلى شئ لمن اكون خشن وقوي مو شرط اكون فظ
لكن صفات رجوليه ما فيها شئ لو لبست جنز او حطيت جل على شعري
السروال اللويست ولي سنتين بطلت البسه لاني كبرت على الحركات الصبانيه دي


مشكوووور اخويا تميسه بالعسل اقصد بالسمسم على المشاركه الكوول

[روفيدا]

أحييك على موضوعك
وأنا بشجع أنه الولد يكون شيك وكووول لكن في أشياء مقبولة وأشياء بالمرة مش مقبولة ف(اللوويست) انا شايفته مش مقبول بالمرة (اللي بيلبس لوويست مش رجال) مع احترامي لكل اللي بيلبسوا لوويست
وفي أشياء كثيرة غير اللوويست تخليك شيك وكوول
الغرب نقلولنا حالة homeless people لعندنا !! وإحنا شباب ورا الخيل يا شقرة .. والبنات يشجعو الشباب بإعجابهم !!
بس سؤالي هل ترضي تشوفي أخونك وأولادك كده ولا تبغيهم يكونو مرتبين ونضيفين ؟؟
وجزاكم الله خيرا
لا طبعا ما احب أني أشوف أخوي لابس لوويست
وأخوي حقيقي مش بيلبس لوويست
ومشكووووووووووووووووووووووووووووووور

[#SAF#]

تسلم يا reborned على الموضوع...

اعتقد ان اغلب الشباب هنا يلبسوا ثياب وأشمغة ويلبسوا جينزات وكمان شوتات وانا من ضمنهم. بس لكل مقام مقال وبرضو في شيء اسمه ذوق عام... ولذلك تجد الذوق العام يختلف من بلد لآخر أو من مكان لآخر... إلا انه في أشياء ما يتقبلها أغلب الناس أو التقاليد. لذلك تجد الناس ممكن تلبس الشورتات لمن يلعبوا رياضة أو يجتمعوا عند البحر وما أحد ينتقدهم... بس ممكن الناس تستغرب لبسهم نفسه (الشوتات) في السوق أو في دائرة حكومية... الخ.

بالنسبة لموضوع الجينزات اللويست حقت الشباب الكوووول. اعتقد انها بدأت في مجتمعنا كنوع من لفت الأنظار عند المراهقين وكل مالها تستفحل. طبعا كثير حيقولوا هذه حرية شخصية وانا معاهم الى حد ولكن من حق البلد اللي انا عايش فيه ان احترم الذوق العام...

بالنسبة لسؤال reborned عن مصدر الظاهرة فأنا سمعت من صديق أنه أصلها بدأ في السجون الأمريكية. نعم السجون الأمريكية :) سمعت انهم ينزلوا بناطيل المساجين عشان ما يقدروا يخبوا في وسط البنطلون شيء فينزلوا الوسط كي يظل ظاهر وقت الفسحة اليومية فلا يحمل أحدهم أداة حادة ويضرب بها الآخر (لست متأكد إذا كانت الغيت ام مازالت ولكن هذا ما سمعته)

عموما أنا أرى أنها موضة مقززة مع احترامي لمحبيها حتى لو كان اللي طلعها مصمم أزياء مشهور :)...

شكرا للأخ حمزة على شجاعته وصراحته...
______________________________________
عذرا على الاطالة

[reborned]

ماشاءالله .. انشاءالله اللي مقتنع ينقل الخير للغير :) ..
واحنا هنا محنا الهيئة !! إحنا كأي مسلم بنحاول ننقل الخير وانشاءالله تكون من باب الأمر بالمعروف والنهي عن المنكر
قال تعالى .. (( كنتم خير أمة أخرجت للناس تأمرون بالمعروف وتنهون عن المنكر ))
اللهم اجعلنا منهم ..
وأحييكم على الصراحة والنقد المحترم
وسلام عليكم

[قلب محب]

هاااااااااااااااااااااااااي ايفري بودي
كيفكم ؟؟؟؟؟
والله الصراحة ردودكم ضكتني.........
ياجماعة كل واحد منكم وله وجهة نظر
الي يقول انه لو الشاب لبس ثوب وشماخ يكون شكله مرتب ورجال والي مايعجبه دا الكلام ويحب يلبس بنطلون..
ايش المشكلة لو الشاب لبس بنطلون (اقولكم شي الصراحة في بعض الشباب بيسوا كل شي بحدود وبيكون شكلهم مرتب وكووووووووووول حتى لو كان البنطلون لوويست لكن مو مررررررة وفي نوعية تانية بيكون شكلهم مقرف)...

يا جمااااااااااااااااااااااااااااااعة هادوله شباااااااااااب ويبغوا يعيشوا حياتهم..ويسوا الي نفسهم فيه
وكلها فترة وحتختفي الموضة دي


وبالنسبة للكدش ..... دا شي كان موجود عندنا من زمان واختفى ودحين طلع موضة وحيرجع يختفي مو مشكلة......

هما الشباب الي بيشجعوا بعض
(قبل فترة قريبة كان عامل شعره كدش وماماته واخواته ينصحوه يقص شعره وهوا ولا كأنه احد يتكلم بعدها بفترة راح وقص شعره فأهله استغربوا منه وسألووا ليش قصيت قلهم انا اتفقت معا اصحابي اننا نقص شعرنا بس..)

المشكلة مو في الشاب اذا كان لابس بنطلون لووويست او لابس ثوب وشماخ ..
المشكلة في تفكير الشاب نفسه واخلاقه ممكن واحد لابس ثوب وشماخ وتفكيره اللهم احفظنا
والعكس كمان بالنسبة للي لابس بنطلون..

ياما شباب كوووووووول وبيلبسوا الي يلبسسسو لكنهم في حالهم ومحترمين..مادام في حدوووود


وإضافة للموضوع بس أبغ أسأل هل تنصحي أخوانك بدا اللبس ؟؟ هل لمن تشوفي الولد زي كده تقولي علي ماشاءالله شكلو عاقل ومتعلم ؟ ولا تقولي علي والله شكلو حق بنااااات !!

اساسا.. أخواني مابيلبسووووووو لووويست..

وثانيا مو اللبس الي اقدر احدد بيه اذا الشاب عاقل ومتعلم لانه كثير شباب متعلمين وعاقلين وبيتبعوا الموضة وبيعتبروها حريتهم الشخصية..
ولا اقدر احكم عليه اذا هوا حق بنات( اسفة على الكلمة) لانه ياما رجال بننخدع في منظرهم المرتب وبيطلعووا بلا اخلاق وتفكيرهم واطي..
وآآســــــــــــــــــــــــــــــــــــــــفة على الاطالة ..
أو أحد انزعج من كلامي...

أختكم قلب محب..*48

[HAMZA 2]

ميه ميه بعد كلامك ماحد يقدر يقول تلت التلاته كم

يسلمووو يا على الرد العسل

[MAHLA121]

أخي الكريم حمزة ..
أولا الرأيي إللي طرحته أنا خاص فيني ..يعني مو نقد لك ..وبعيد عنك تماما
أنا أحترم إختيارك وطريقة لبسك ومن واجبك إحترام وجهة نظر غيرك ..
بصراحه ولا تزعل غالبية إللي يلبسون هذا اللبس أنعم من البنات في كل شيء ..
وأنا أقولك مو كلهم ..
وبصراحة لو عندي ولد مستحيل يلبس هذا اللبس ..تعرف ليش لأنه مستورد مو ثقافة عربي
لأنه يلغي هويتك .. يترك الإنسان بدون إنتماء لا فكري ولا إجتماعي ولا حتى نفسي والسبب ركض غالبية الشباب وراء هذه التقليعات ..
أنا من مجتمع عربي وبدوي وينتقد هذا اللبس وأصحابة مع إحترامي لهم ..لكن حتى تلبس هذا الشيء عليك تغير المجتمع كله ..
وتسمع المثل إللي يقول كل إللي يعجبك وإلبس إللي يعجب الناس ..
لأنك مستحيل تخلص منهم ولا راح تخلص ..
ولو أقولك ماراح تصدق عندنا لو يجي شخص بنطلونه نازل ويعرفون العالم هذا لبسه محد يزوجه نهائي لو يموت ..والسبب إن العالم تأخذ فكرة عن طريقة تفكير الشخص وذوقه من خلال لبسه ..
أتمنى ردي ما يكون زعلك وخلي روحك رياضية ..وتقبل وجهة نظر غير ..
إنت مقتنع وأنا مقتنعه وهذا لايفسد للود قضية ..
وأعتذر لو أسأت لك بشكل غير مقصود ..
أتمنى لك السعاده من أعماقي
تحياتي لك أخي الكريم
إختك مهله

[بحر2006]

أخ حمزه شكلك من الهنداويه والله طلعوا العطلجيه حق جده
والله شباب كوووووووووول
انا الصراحة مع الموضة الي مافيه اي شي يعني
يلبس جيينزطيحني بس لايبين شي من مساؤه
الشعر على قول حمزه كدش يجي بس مو على كل واحد الي شعرهم حلووووو
ولعلمكم لانضحك على نفسنا روحوا وشوفوا صور اهلكم اقصد الشيبه البابا
بتلاقوه شعره كدش والجينز شارلستون لا من الضيق في الوسط وواسع في الاخير
بس انا مع الي يحترم نفسه وقبل كل شي يحترم دييييييييييييينه
لكن انا ماسويها الصراحة
وتسلم ياحمزه على الصراحة وانت الي عجبتني في جميييع الردود
وحاس انك قريب مني
اما الاخ reborned معاك حق بس موكلهم عاطلييين بل كلهم عيال ناس
والعاطل هو الي عندوا وقت فراغ كبييير بس

[الهـwhidahـويد]

ايش الاسلوب الرااااااااااااقي هذا ما شاء الله في التعبير
انت اكككككككككيد من الريااض او بيئه مثل بيئتهم .!!!

شكرا جزيلا على الاطراء اخي الكريم


لا انا من جده
وشكرا للأطراء
توك صغير ماالومك
وركز في ردي انا ماقلت عليك شيء وانت طلبت رأينا
وبراحتك
انا اكبر منك وواجب الاحترام لي*8

[تميسة بالسمسم]

بسم الله الرحمن الرحيم

شكرا أخوي حمزة على مرورك وردك...

بس أنا بنت مو ولد...

[تميسة بالسمسم]

بسم الله الرحمن الرحيم

شكرا أخوي حمزة على مرورك وردك...

بس أنا بنت مو ولد...

[reborned]

اما الاخ reborned معاك حق بس موكلهم عاطلييين بل كلهم عيال ناس
والعاطل هو الي عندوا وقت فراغ كبييير بس

يا جماعة الخير أنا ما قلت على أحد عاطل !! غيرو المعلومة دي لوسمحتو ..

[ثائر]

لاتتعجب ياأخي..
فالسروال أصبح من علامات الجمال...
فكما تتجمل المرأه بفستانها...
والرجلُ بِثوبه...
فهولاء بسراويلهم...
شباب فاضي والله
إحترامي

[قلب محب]

يا جماااااااااعة هدوووووووا
واهدئووووووووووووا شوي ..

ترى كلها فترة وتنتهي هذه الظاهرة..

أختي الهـwhidahـويد أ
كيد أخ حمزة مايقصد الاساءة
ولكن خانه التعبير..
احنا كلنا واحد لكن الاراء ووجهات النظر هيا الي بتختلف..

امكن الاخ حمزة شوية متأثر بالموضوع لكن ..*8

اكيييييييييد اذا الظاهرة هادي اختفت وصارت شي قديم اكيييييد ما راح يسويها..
صح ولا لأ ؟

انتظر ردك يا حمزة..

ما ادريييييييي هذا اعتقادي والله اعلم..*6 *6 *6

أختكم قلب محب......

[بحر2006]

مع كل احترامي لشخصكم بس مو من حقكم تقول عليهم
فاضيييين لانوا اكثرهم طلبه والطلاب شغلتهم الصباح في المدرسة والليل يتمشى
وينبسط هذي حياتنا لما ودنا نغيير من انفسنا نغير بالتدريج يعني
احنا مو عاجبيينا الشباب هذا الكول اقصد تمام ولا عاجبيين الملتزمين
تجي تقولي الوسط اش هو الوسط
حبايبي نحن نحاول نغير من داخل انفسنا ومالنا من الظاهر
انا خويي من الشباب حق الموضه ودلع وعلى كيفك بس الحمد لله صلاته كلها في المسجد
ويصوم والحمدلله حتى النوافل وصلاة القيام يقومها ماشالله عليه
وكان من اكثر الشباب يسمع اغاني ويروح رقص لكن الحين يحاول انوا يبطل بالتدريج
يعني ماصر يسمع اغاني بطل يروح حفلات
هذا ديننا الوسطيه اهم شي الداخل ياجماعة
اذا تغير بيتغير كل شي اش فايدة واحد مربي دقن وجهه عمر ماسجد
خلونا صرييحين شبابنا طيبين وحلويين مو نشوف شويت امور تخريب علينا نظرتهم
وانا اعرف انوا كل الي تكلموا في الموضوع ودهم اننا نتغير وحنحاااااااااااااول

[بحر2006]

وااااااانا مع حمــــــــــــــــــــــــــــــــــــــــــــــــ ــــــــــــــــزه
لاحد يزعل مني الى نهاية الطريق دامه نظيف من داخله

[reborned]

مع كل احترامي لشخصكم بس مو من حقكم تقول عليهم
فاضيييين لانوا اكثرهم طلبه والطلاب شغلتهم الصباح في المدرسة والليل يتمشى

أنا أعترض على دي الجملة كل الاعتراض .. الطالب الفاضي مخلي نفسو فاضي عشان ما بيعمل شي مفيد .. تلاقي من المدرسة للبيت وأصلا قرفاااااااااان من المدرسة .. حتقوليلي طب هادولا طلاب .. معاكم حق طلاب .. بس هل دولا الطلاب اللي حيمسكو المستقبل وبيبنو ؟؟ ترا كلام كتييير في دا الموضوع وانا عندي فلسفة كبيرة ولازم امشي
فلي عودة

[بنت الجنووب]

انا من وجهة نضري بانوا الموضوع اكبر -يعني الموضوع يتعلق بالشخصيه
المقصود يا(بنت جده)--اختي انا معك ويمكن هذا يكون رايك بس انا اشوف بان الموضه هي الجديد .والجديد انت كشخص لازم تكون مصدره مو احد غيرك بهالحاله اقول
( you have your own style )
ولك شكلك الخاص --انا صراحه ما اتوقع انو من الحلو اني اروح لمكان والاقي عشر طعشر واحد نفس شكلي بس باختلاف بسيط -حلو التمييز واكيد بشي مناسب
ومشكوووور اخوي عالموضوع

[Desdemona]

قديما قيل:
كُل ما يعجبك و ألبس إللي يعجب الناس!!

دقيقة... لا تفكروا أبدا إني حقول ضد أو مع هذا اللبس!!

ندخل في الموضوع...
أخي reborned أحييك على فتح هذا الموضوع و أحترم وجهة نظرك جدا و أتفهمها أيضا...

أخي حمزة... أشكر لك صراحتك و أدبك لكن لا تتضايق من الأشخاص الذين لا يحبون هذا اللباس... أنت حر تلبس ما تشاء و هم أيضا أحرار ينظروا إليك كما يشاؤون...

لكن الصراحة الصراحة... الموضوع و الحوارات كلها لزيزة و حلوة.... ذكرتوني بايام المراهقة و الجنان!!
*29
عندما كنت مراهقة كان الكل يتهمني بالخروج على الدين لأني البس جونتيات و سلاسل و أنفش شعري (موضة مادونا) و ألبس نظارة شمسية سودا (زي العمي) :)

و الآن كبرت و لبسي كله كلاسيكي جدا...لماذا؟؟ لأنه ببساطة شديدة ذوقي أتغير... لكل مرحلة متطلباتها و جمالها...

أكيد لما كنت أخرج مع صحباتي كنت ألبس لبس و لما أخرج مع ماما ألبس لبس مختلف تماما...و أكيد هؤلاء الشباب إذا أرادو الذهاب للمسجد فلن يكون هذا مظهرهم...
لكني أفكر في المسألة من ناحيتين... النظافة و الدين...

أول شيء ... منظر الشعر المنفوش يدل على عدم النظافة (مع إني أذكر إنه بابا كان ينفش شعره في نهاية الثمانينات لأنها كانت موضة)...
و عن نفسي منظر البوكسر يقرفني جدا.... و مع هذا طلبت من ولدي أن يشتري بنطلون لو ويست و يلبس بوكسر لكنه رفض بشدة و قال ما أحب هذه الحاجات!! هو حر... بيتصرف أكبر من سنه..

أما من الناحية الدينية:
تطويل الشعر ليس حراما و لكن أيضا منظر المسلم الأشعث الأغبر ليس منظرا يحبه الله و رسوله كما ورد في أكثرمن حديث... فالنظافة عنوان المسلم...

أما اللو ويست... فهل هو حرام؟؟ أعتقد يكون حرام لو أظهر العورة... غير ذلك المسألة مسألة ذوق .... و أعتقد أن الشاب العاقل عندما يذهب لمناسبة أو فرح مع أهله و أقرباءه فلن يلبس هذا اللباس.....

ما الذي نستفيده من هذا كله؟؟

أهم شيء هو أن لا نحكم على الأشخاص من خلال لباسهم و في نفس الوقت نحاول قدر الإمكان أن يكون مظهرنا يمثل الإسلام خير تمثيل...
لكن لي سؤال ....
لو كان رجال الهيئة فرضوا هذا اللباس على الشباب, هل كان الشباب يقبلون به؟؟
لو كان هذا اللباس من ديننا, هل كنا سنقبل به أن كنا سنحتقره و نرفضه كما يرفض البعض الحجاب و النقاب؟؟!!

شكرا جزيلا

[نوير المطيري]

السلام عليكم
اولا اندلسيه ما قدرت اتخيل شكلك بهاللبس (شعر منفوش وسلاتسل..) مو قادره

..عموما اللو وست الان سيمنع من بعض الولايات والسبب اثبتوا العلماء انه يسبب العقم للشباب وتشويه للحوض عند البنات هذا غير الضغط على الكلاوي ..:)

لبسته مره ..ما ارتحت كل شوي ارفعه ..اخر شيء حطيت علاقيات تمني انه يثبت .(قصيته وخيطته جنطه ..وكيس رياضه:).)
ما فيه شيء في اللبس حرام لكن الحرام انك تقلد على عماك ولا تعرف ان كان هاللبس يضر ام لا..

واللبس الفضفاض افضل وترى هذا راح يصير بعد كم شهر موضه;)
ملاحظة ::تكلمنا عن الموضوع اكثر من مره ..لكن يمكن بالاعاده افاده..:)
..تحيااتي..

[HAMZA 2]

اختي الكبيره الهويد انا اسف لو حسيتي اني غلطت عليكي
لا تزعلي مني مجرد تحمست بس انا اسف مره اخرى ..

ثائر*29 من جد انك ثائر وتكفى روح ثور بعيد عننا لا تثور عندنا
احنا شباب وبنات مهذبين ونتكلم كلام مؤدب الحمد لله .
وربي انتا شكلك منهم .. باقي تقول اعوذ بالله من هذا الشباب الفاسق
اللهم طهر بلاد الحرمين من هذه الشرذمه الخبيثه ... قول كدا وتكمل خلاص

اخويا قلب محب كلامك زي التلج على صدري وانا قلتاه اول وبقولها تاني
انا ما البس اللويست لي سنتين خلاص كانت افكار وحركات صبيانيه انا
دحين تانيه جامعه لازم اكون اكثر لباقه ووجاهه وانا ما احب مثل هذا الكلام
لانه يثير الغرور في الانسان انا بس لكي اثبت لكم اقول كدا انا ما صرت البس
اللويست والله ثم الله ثم الله اني ما البس لويست . اكرر شكري العميق لك يا قلب محب
وتسلم يدك على الكلام العسل .بحر 2006 الله يخليك ليا ويكثر من امثالك
ياخي يكفي اسلوبك الراقي في الكلام والغير ثائر
لا حظوا الغير ثائر .. تسلم حبيبي مره اخرى زبعدين انا مو عاطل واكرهه هذه الكلمه
وانا مو من الهنداويه واصلا ما اعرف فينها انا ساكن بسكن شركه ارامكو .

اندلسيه ونويير وبنت الجنوب : يعجبني الاسلوب الراقي في الحديث
الله يخليكم لنا ويكثر من امثالكم ويظل منتدانا غالي على قلوبنا

اختي مهله : انا اتأسف جدا جدا لو كنت اسأت من غير ما اقصد يمكن تحمست شويه
بس والله يشهد عليا اني ما صرت البس هذا الشئ من سنتين مضت لان وللمره الاف ما صرت احبه احسه مو من مستوايا خلاص انا اكبر من كدا وكلامك صحيح انا حتى قبل سنتين لمن كنت البس اللويست ما اقدر اظهر قدام ابويا كدا ابدا لو ايش
اشكرك مره تانيه وسامحيني من كل قلبي

[HAMZA 2]

والله انتا فلللله يا ثائر بالله لو ما تسري بعيد قال شباب فاضي قال

[بحر2006]

كلام الاخت اندلسيه حلو وعين الصواب
وكلام حمـــــــــــــــــــــــزه موووووووووووووت حلو بس ترى كنت امزح معاك
بس تعرف انا ماقلتلك انت من هناك الا لي صله في ذاك المكان
الاعتراف بالحق فضيله
ويسلموا على روحك الحلوه

[قلب محب]

اخويا قلب محب كلامك زي التلج على صدري وانا قلتاه اول وبقولها تاني انا ما البس اللويست لي سنتين خلاص كانت افكار وحركات صبيانيه انا دحين تانيه جامعه لازم اكون اكثر لباقه ووجاهه وانا ما احب مثل هذا الكلام
لانه يثير الغرور في الانسان انا بس لكي اثبت لكم اقول كدا انا ما صرت البس
اللويست والله ثم الله ثم الله اني ما البس لويست . اكرر شكري العميق لك يا قلب محب
وتسلم يدك على الكلام العسل

اول شيء شكرا على الكلام الحلووووووو هادا من زوقك انا ماقلت شيء هادا رأيي
بس حبيت اقولك اني انا أختك قلب محب

يعني انا بنت يا حمزة مو ولد *8 .
تراني مو زعلانة بس حبيت اوضح اللخبطة الي حصلتك *49
معذووووووووووووووووووووووووور..ههههههههههه
سلااااااااااااااااااااااااااااااااااااااام

[HAMZA 2]

اوكي سامحيني وانا اكتب ما اهتم بنت ولا ولد
المهم اوصل فكرتي باقصر طريق وابلغ تصور

تسلم يدك يا بنوته يا قلب محب

[HAMZA 2]

يا انا متحمس بدي اشوف العلامه امام لزمان ثاااائر

[روفيدا]

بعد أول يوم من أجازة رمضان والعيد000 الكل بالجامعة لابس جديد في جديد 00 فجتني فكرة أنا وزميلتي نعمل ريبورتاج عن (اللويست)00 (فكرة مجنونة)00 وششجعنا بعض وروحنا عملنا الريبورتاج 00 مع ولاد وبنات 00 بصراحة كان رأي الأغلبية أنه شكله مش حلو بالمرة لا للأولاد ولا للبنات00 وأنا عملت الريبورتاج مع اكتر من عشرين بنت وولد 000 وأحلى حاجة أنه كنت بسأل ولد لابس لوويست (فكان رأيه أنه اللوويست بيحبه للأولاد لكن للبنات لا طبعا )00 وبعد شويه جا الولد وقال لي بصراحة انا جاوبتكم من غير ما اعرف يعني ايه لوويست 00 لكن انا جاوبتكم منعا للاحراج (ههههههههههههههههههه)00 وولد تاني قال (بحبه للأولاد ولكن للبنات بحبه أكتر!!!!! لكن في رأيي أنه لو عنده أخت أكيد مش هيخليها تنزل بالمنظر دا 00000 وضليت اعمل الريبورتاج لحد ما جا احد الاشخاص وأحرجني وقال لي انا مش فاضي للحوارات دي 000 هنا وقفت الريبورتاج000
والأحلى أنه الكل كان فاكر أنه أنا وزميلتي من كلية إعلام 00 كنت عاملة مذيعة بجد وماسكة نوت وقلم
ولما رجعت البيت وحكيت لهم ع اللي عملته أنا وزميلتي 00 قالوا لنا (عيب اللي انتوا عملتوه)والموضوع اللي اتكلمتوا فيه كمان مش كويس
وأنا قلتلهم الموضوع ما فيهوش عيب ولا حاجة
لأنه من وجهة نظر أشخاص عادي والآخرين عيب
فبيختلف من شخص لآخر وطريقته وشخصيته والبيئة اللي تربى فيها
دي كانت مغامرة مجنونة بالنسبة لي

[درةالدرر]

بصراحه وبدون اي زعل مع احترامي للكل عن نفسي لما اشوف هذي الاشكال احزن عليهم
قولو ليش ؟
لأن بصراحه احسهم يتعبون كثيييييير وهم يرفعون في السروال وهو ينزل يرفعون وهو ينزل....
وغير كذا ابسأل كم ساعه تقعدو قدام المرايه عشان يطلع اللوووك كذا؟
ولما تمشي قدام اهلك ايش يقولو لكم؟
بصراحه ما أحب هذي الظاهره ماراح اقول موضه هي ظاهره دخيله علينا وهي ما تعجبني
اسفه انا ما أقصد اااي واحد هنا بس مجرد وجهة نظر ورأي خاص
بالعكس أنا اعجب بأي احد صريح وانا والله معجبه بصراحة حمزه بس مو شكله
وبصراحه اللي يعجبوني في أي مكان اروحه مو بس أنا حتى صاحباتي اللي لابس ثوب وغتره

[مادلين]

بسم الله الرحمن الرحيم .....

أخي الكريم أحييك على فتح الموضوع ومنافشته من عقلية شاب يعيش وسط الحال الحاصل وطرح رأيه بجرأة محترمة ,,


لن أناقش ماتم منافشة بعضه بعقل ( راقي ) ... والآخر بجدال ( فاضي) ...

مسألة اللبس والشكليات مسألة متفاوتة .. فالبعض يرتاح في البنطلون والآخر في الثوب ... والمشكلة ليست في أيهما ولكن في عقلية الشخص .. وكماليات اللبس ...

إلى جانب أن اللبس لا يصنع أو يزيد من الشخص ... بل الشخص هو الذي يضفي الهيبة على منظره ....

والعيب هنا في المنظر العيب .... وأظن أن الدين هنا لا علاقة له بالموضوع ( إلىّ إذا أصبحت الملابس تُظهر ما لا يجوز رؤيته ) ...


ولكن بالمختصر المفيد ....


إنبهار البعض بالغرب وتقليده ( التقليد الأعمى ) .. أفقدهم هويتهم الشخصية .. فأصبح جُل إهتمامهم .. المنظر ( اللي عالموضة ) وإن كان بعقلية تافهة ...


وأتسائل حقا .... لما بدل أن نضيع وقتنا في تتبع الغرب وما يلبسون ويفعلون ... لما لا نركز على أنفسنا وميزاتها وعيوبها ؟؟ لما لا نحتفظ بموضتنا الخاصة أي ماتكون ؟؟ ( الترتيب والمنظر الحسن فقط ...... بدون توقيع الماركة الأمريكية عليها ) ؟؟


و على ذكر الماركة ....




لماذا لم نفلح نحن العرب في صنع ماركة ( عربية مسلمة ) نستخدمها بدل الفيندي واللأرمني والبربريز وغيرهم من الماركات الحالية ( اللي بالشيء الفلاني ) ؟؟؟

وإن هممنا و قمنا بذلك ,, هل تعتقد ياأخي الفاضل أن الغرب سيستخدمها أو يشتري منها ؟؟


أشك في ذلك ...
أشكرك على الطرح

[ثائر]

لاتتعجب ياأخي..
فالسروال أصبح من علامات الجمال...
فكما تتجمل المرأه بفستانها...
والرجلُ بِثوبه...
فهولاء بسراويلهم...
شباب فاضي والله
إحترامي
هذا الكلام ماذكرتُهُ بالردِ على موضوع الأخ reborned...
أما كلامُك أنت ياحمزه كان غريباً وبكل المقاييس...
ولعلي اُحسن الظن بك...وألتمس لك العُذر...بأنك لاتعي ماتقرأ...أو ماتكتب

ثائر من جد انك ثائر وتكفى روح ثور بعيد عننا لا تثور عندنا
احنا شباب وبنات مهذبين ونتكلم كلام مؤدب الحمد لله .
وربي انتا شكلك منهم .. باقي تقول اعوذ بالله من هذا الشباب الفاسق
اللهم طهر بلاد الحرمين من هذه الشرذمه الخبيثه ... قول كدا وتكمل خلاص

اُعيد لك ماأتهمتني به
وربي انتا شكلك منهم

والآن...هل لك أن تُخبرني أين سوء الأدب بكلامي؟
لاحظ بأني لم أوجه كلاماً لك لامن قريب ولا بعيد..
ولاحظ بأني سألتزم بآداب الحِوار معك بالرغمِ من وصفِك لي بقلةالأدب....
وصدقني أني أملك من المُفردات والمعاني التي لن أتورع..وبكل صفاقه..أن أكيل
لك مِنها بالمِكيال حتى تكتفي...فلا تُجبرني على ذلك...أرجوك
وإن ذكر أحد أني أخطأتُ بحقك...أو أسأت الأدب معك...أو إتهمتُك باطلاً بشيء ما...فأنا مدينُ لك بإعتذار أمام الجميع...

أنت تقول أننا شبابُ مؤدبين..وهل قُلت أنا بكلامي أنك سيءُ الأدب...
ياأخي...أنت تؤيد موضوعاً ينتقد فيه صاحبه ظاهرة السراويل الظاهِره....ثُم تغضب
لمن شارك معك بالنقدِ لهؤلاء الفَتيه..فلماذا الثوره لأناسِ لاتحتسب نفسك مِنهم؟
فلا تجعل المثل القائِل "كاد المُذنب أن يقول...خذوني " ينطبق عليك
أرجو منك ذلك


تحياتي لكُلِ ذي عقلٍ

[ثائر]

والله انتا فلللله يا ثائر بالله لو ما تسري بعيد قال شباب فاضي قال

وهذا ردُ آخر لك موجهاً لي طبعاً تقول فيه "ليه ماتسري بعيد"
أهذه هي طريقة الحِوارالمُفضله لديك؟
ناقشني بطريقه علميه عما لم يُعجبك بكلامي وأنا مُستعدُ لإيضاح نُقطة إختلاف الرأي..
أصارحُك القول بأني لا أحب (الحوار) مع الذين يحوِّلون المنطق إلى غضب أحمق, ويغرقون الحِوار في وحل الحقد!

[ثائر]

يا انا متحمس بدي اشوف العلامه امام لزمان ثاااائر

وهذه زلةً أخرى تُحتسبُ عليك

سامحك الله

[عديم]

السلام عليكم......ان الله جميل يحب الجمال..............والله لو احد اجبرهم انهم ما يحلقوا دقنهم او يلبسوا ملابس اكبر منهم ما كان لبسوه وقالوا ساعدونا مظلومين.....لكنهم بتفكيرهم هذا ظلموا نفسهم .....وانا عن نفسي اشوف شاب لابس كذا احزن عليه واحط عيه اكس.....واقول نفسه الله يشفيه .....على العموم الدول الغربيه اللي اخترعت هذه الموضه في فرنسا على حسب ما سمعت يخالفوا اللي باينه ملابسهم الداخليه وهي من اسمها ملابس داخليه يعني الواجب ما تبان ......وربي اعطاك الققل تستر نفسك وتحافظ عليها لكن سبحان الله اذا كان البهايم (سلامة الجميع)ربي ستر عوراتها بالذيل......... وعمري ما شفت بهيمه قاطع ذيله ويقول موضه .......واحنا بني العقل نتقصد نشوه انفسنا ونقول علشان موضه وما ابي اكون ولد ماما وبابا .....على العموم الله يخلي والدينا يوم يسرحوا لنا شعرنا ويلبسونا مستور وزين ....وابي اسال ....لما كنا صغار وتحت ايدي اهلنا كنا نطلع والناس تاشر علينا او تضحك على شعرنا ولبسنا؟؟؟؟؟احترم اراء المؤيدين
وفوق راسي اراء المعارضين
ودمتم.........اختكم عديم

[عديم]

السلام عليكم......ان الله جميل يحب الجمال..............والله لو احد اجبرهم انهم ما يحلقوا دقنهم او يلبسوا ملابس اكبر منهم ما كان لبسوه وقالوا ساعدونا مظلومين.....لكنهم بتفكيرهم هذا ظلموا نفسهم .....وانا عن نفسي اشوف شاب لابس كذا احزن عليه واحط عيه اكس.....واقول نفسييه الله يشفيه .....على العموم الدول الغربيه اللي اخترعت هذه الموضه في فرنسا على حسب ما سمعت يخالفوا اللي باينه ملابسهم الداخليه وهي من اسمها ملابس داخليه يعني الواجب ما تبان ......وربي اعطاك العقل
علشان تستر نفسك وتحافظ عليها لكن سبحان الله اذا كان البهايم (سلامة الجميع)ربي ستر عوراتها بالذيل......... وعمري ما شفت بهيمه قاطع ذيله ويقول موضه .......واحنا بني العقل نتقصد نشوه انفسنا ونقول علشان موضه وما ابي اكون ولد ماما وبابا .....على العموم الله يخلي والدينا يوم يسرحوا لنا شعرنا ويلبسونا مستور وزين ....وابي اسال ....لما كنا صغار وتحت ايدي اهلنا كنا نطلع والناس تاشر علينا او تضحك على شعرنا ولبسنا؟؟؟؟؟احترم اراء المؤيدين
وفوق راسي اراء المعارضين
ودمتم.........اختكم عديم

[ثائر]

والله انتا فلللله يا ثائر بالله لو ما تسري بعيد قال شباب فاضي قال

أنا لا أريد إقناعك ياحمزه..
أتيتُ هُنا فقط للتعبير عن رأيي بحرية مسؤولة..
لذلك إن لم يعجبك رأيي..
أقترح عليك تجاهله فحسب..!

وتذكر دائماً:
أن لكل عضو الحق في التعبير عن رأيه الشخصي على صفحات المنتدى..
لكن المشكلة أن البعض يتجاوز دوره كعضو مُشارك..
ويبدأ في ممارسة دور الرقابة والتقييم..
ومن ثمّ تحديد الـ "يجوز" والـ "لا يجوز"..